Mr.To0oTeEe... Admin
المساهمات : 143 تاريخ التسجيل : 30/06/2008 الموقع : كندا
| موضوع: <------>مهما يعيش الورد لابد يذبل <------> الخميس أغسطس 21, 2008 8:23 pm | |
| اخاف احبك واعشقك ثم ترحل واعيش بعدك بالندم والحسافه
----------
واخاف احطك في عيوني وتزعل قبلك سكن بالقلب غيرك وعافه
----------
إجتاحني حبك للاعماق وإحتل مثل إحتلال الاجنبي للرصافه
--------
إن قلت أسافر ؟ يالغلا قلت لك ضل لازم نخاف البعد ،، لازم نخافه
-------
قالو لي انسى من يعافك.. ترى ذل قلت المصيبه خاطري مايعافه
------
حاولت نسيانه ولا طاعني حل وعزيت حزني في قصيدي وقافه
------
سألتهم ماجاوبوني عن الخل؟ قالوا سكن ليل الجفا وإنتصافه
-------
قلت اسمعوا ،، والدمع قدامهم هل منساااه لين الدمع يعلن جفافه
------
احبه اكثر من حياتي واسأل وارجع واقول إشجابني في ضفافه
-------
هو ملني .. والجرح حبه ولا مل يفرح اليا جاء في ضميري وشافه
-------
مهما يعيش الورد لابد يذبل والغصن يلقى هيبته بإرتجافه
-------
غيمه ومرت ديرتي غاوية ظل جتني وانا بين الضما والصلافه
-------
اشتاق كثر موادعه يوم يرحل وانساه كثر مواصله واعترافه
-------
يرضى ويزعل ثم اراضيه وازعل مليت افسر رغبته وإختلافه
-------
ان قلت قرب موعده هو تمهل وعمري بسلك العنكبوت إلتفافه
-------
هذي حقيقة من تمنى تأمل في هالزمن كثر التمني سخافه
-------
بين الرجاء والياس حلمي تأجل مليت اعيشك يا حياة الكلافه
--------
شفت الوفاء قدام عيني تبدل حتى ترك طبعه وخلا عفافه
-----------
منقوـوـوـوـوـوـل
| |
|